Коридорас (Corydoras)

Коридорас рибата потекнува од Јужна Америка и живее само во слатка вода. Припаѓа на фамилијата сомови.

Коридорасите се мали аквариски риби. Може да се најдат многу видови на коридораси, но меѓусебе воглавно се разликуваат само по бојата. Нивната големина и градба е слична за сите подвидови. Големината на овие риби е од 2,5 cm do 10 cm. Во аквариумот препорачливо е да имате ситен песок затоа што оваа врста риби сака да копа во песокот во потрага по храна. Кај голем дел од подвидовите на коридораси параметрите на водата не играат важна улога. Овие риби имаат способност да земаат атмосферски воздух од површината на водата што им помага да преживеат во води што се сиромашни со кислород. Воздухот што го земаат од површината проаѓа низ желудникот, се до цревата каде што се апсорбира од малите крвни садови.

Коридорасите сакаат да се движат споро и се скоро неподвижни во чиста вода богата со кислород. Тие живеат на дното на аквариумот и во својата природна околина јадат инсекти што живеат на дното, инсекти, ларви, разни црви како и растителна материја што се наоѓа на дното. Во аквариумот коридорасите треба да се ранат со лисната храна што тоне, како и замена за жива храна или замрзната храна. Треба да се става повеќе храна во аквариумот за другите риби да дозволат дел од неа да падне на дното каде што се коридорасите. Сакаат аквариумот да биде добро осветлен но исто така имаат и потреба од скривалиште во аквариумот каде што ќе можат да се засолнат ако почувствуваат закана. Скривалиште може да биде некој глинен сад или некое растение. Најдобра околина за коридораси се тропски слатководни аквариуми, бидејќи тие може да живеат заедно со голем дел од другите видови риби и не се агресивни. Коридорасите се срамежливи затоа е препорачливо да се чуваат во групи поголеми од шест единки. Коридорасите сакаат да бидат во група, да си играат, да се бркаат меѓусебе и да бараат храна заедно по дното. Во просек имаат многу долг живот. Најдолг животен век регистриран за коридорас во аквариум е 27 години, а не е необично да доживеат 20 години.

Размножување на коридораси – Бидејќи разможувањето накоридорасите е комплексна работа што треба убаво да се разбере ви препорачувам да прочитате повеќе информации тука.

Дискус (Symphysodon)

Дискусите се вид на големи циклиди кој потекнуваат од реката Амазон. Се повеќе луѓе го избираат овој вид на риби за нивни домашни миленици што значи дека популарноста на Дискусите расте. Со зголемувањето на нивната популарност, повеќе пари се влеваат во индустријата која помага за почнување на нови истражувања и развој на продукти и различни подвидови на Дискуси Аквариумски Риби.

Дискусот е социјална риба што живее во големи групи во нивните природни средини, и има многу напредно социјално однесување, тие се едни од ретките социјални циклиди. Ако се одлучите за овој вид на риби, имајте на ум дека Дискусите се социјални риби и купете повеќе единки. На овие риби им е потребна социјална интеракција за да се развијат нивните природни карактеристики.

Станува се потешко да се најде оригинална варијација на боја во продавниците за миленици. Повеќето дискуси што се среќаваат во продавниците се со варијанти на бои добиени со во вештачки услови во одгледувачниците. Денес листата на варијации на бои на дискусите е безконечна. Некои од дискусите ги имаат изгубено шарените риги по нивното тело па затоа ја имаат и изгубено нивната природна способност да комуницираат во заедница. Но овие нови варијации се омилени кај акваристите па брзо си наоѓаат сопственик и по исклучително голема цена, што ги стимулира одгледувачите да се обидуваат да создадат нови варијации на Дискуси. Една од предностите на вештачки одгледуваните примероци е тоа што се по толерантни кон состојбата на водата.

Станува се полесно да се одгледуваат овие риби со нови технологии за подобрување на квалитетот на водата и здравјето на Дискусите што е и една од причините за порастот на побарувачката.

Дискусите се прекрасни риби но се голем предизвик за одгледувачите да ги чуваат и разможуваат.. Повеќето од луѓето што ги чуваат овие риби со тек на време ќе сакаат и да пробаат да ги размножуваат бидејќи тоа претставува прекрасно искуство.

Основни услови:

Првото прашање е која големина на аквариум е потребна? Ова зависи и од буџетот и од просторот каде што ќе се наоѓа. Препорачана големина на аквариум е 120cmX40cmX50cm. Дискусите подобро опстојуваат во длабоки аквариуми а и со големината на аквариумот се зголемува стабилноста на температурата на водата што позитивно влијае на расположението на рибите. Бидејќи Дискусите се срамежливи риби местото на аквариумот изберете го така да не е на прометен дел од просторијата, исто така да не е на директна сончева светлина и да не е до некое грејно тело.

Субстратот зависи од тоа дали ги чувате рибите за украс или ги разможувате. Ако се користи аквариумот за одгледување на мали риби тогаш се препорачува да не се става субстрат на дното. За украсните аквариуми се препорачува ситен песок. Може да се користат разни украси и растенија, живи или пластични.

Филтрацијата е многу важна за овие риби бидејќи квалитетот на водата треба да е на високо ниво. Има три вида на филтрација:

1. Meханичка
2. Биолошка
3. Хемиска

Механичката филтрација ја прочистува водата од крупниот отпад во водата и се прави со обичен сунѓер. Биолошка филтрација се прави со стимулирање на раст на колонии од бактерии во филтерот кои амонјакот од водата го претвораат во нитрити па потоа и во нитрати и со тоа го претвараат токсичниот амонјак во нетоксични нитрати кој потоа служат и како храна за живите билки во аквариумот. Парчиња керамика се става во филтерот бидејќи порите во керамиката се погодни за бактериите. Важно е овој филтер да не се мие со вода од чешма туку само со вода од аквариумот бидејќи хлорот од водоводот ги уништува бактериите. Хемиската филтрација се прави со додавање на хумус во медиумот за прочистување со што се прочистуваат некој од крупните отпадоци во водата и се одржува pH вредноста на водата во граници на нормала. Понекогаш треба да се додаде и активен јаглен во филтрите за да се исчисти водата од миризбите боите и медикаментите кој биле ставани внатре.

Температурата на аквариумите треба да биде висока, од 27'C до 29'C степени, бидејќи Дискусите се тропски риби. Се препорачува скап греач, за да се намали ризикот од негова неправилна работа и хаварија во аквариумот. За мониторирање на температурата користете дигитални термометри бидејќи се по прецизни. А при менување на дел од водата потрудете се да температурата на новата вода биде блиска со температурата во аквариумот, барем 2'C разлика. Температурната разлика може да предизвика стрес кај рибите и да биде причина за развивање на болести кај Дискусите. Промената на водата треба да се прави почесто, препорачано е еднаш до двапати неделно меѓутоа ова исто така зависи и од бројот на риби кој се наоѓаат во аквариумот, со други зборови пренаселен аквариум има потреба од почесто менување на вода.

При купување на риба потрудете се да ги одберете похрабрите примероци, односно тие што доаѓаат кон вас на предното стакло од аквариумот. Примероците што се кријат во позадина треба да се избегнуваат. Исто така избегнувајте ги тие што дишат тешко или само низ една шкрга, овие индикатори може да значат дека рибата не е во најдобра здравствена состојба.

Дискусите немаат посебни побарувања во однос на храната затоа обична храна во форма на лист би била доволна за комплетна диета.

Риба Оскар (Astronotus ocellatus)

Риба Оскар (Astronotus ocellatus) е слатководна циклида која потекнува од Јужна Америка. Оскарите се релативно големи риби и растат и до 40cm и живеат од 8 до 12 години доколку ги имаат сите потребни услови за здрав живот.

 

Избирање на големина на аквариум:

            Прописна големина на аквариум за овој тип на риба е 150 литри, а за секоја риба во аквариумот мора да има плус 100 литри, ова укажува на фактот дека Оскарите се чувствителни риби, за чие чување се потребни посебни услови и најчесто се избор на искусните акваристи.

 

Подготовка на аквариумот:

            Стаклото од аквариумот треба да се измие темелно и со чиста крпа да се остранат сите остатоци од средство за чистење. Песокот пред да се стави во аквариумот треба да се измие темелно до степен кога водата што излегува од него е чиста. Одкако ке го ставите песокот во аквариумот, почнете да налевате чиста вода и да го полните со вода.Одкако ке го наполните аквариумот до пола, ставете ги украсите или засадете ги тревите и потоа дополнете го остатокот. Евентуалните украси во аквариумот треба да се добро измиени или, ако не се од пластика, може и да се извријат. Пред да ги ставите рибите во аквариумот, оставете го аквариумот празен 24 саати за да температурата на водата се изедначи со собната температура и да се наталожи вишокот од седимент којшто плови низ водата.

 

Носење на рибата дома:

            Транспортот на Оскарот од продавница до дома е најкритичниот период особено ако температурите надвор се екстремни. Затоа практикувајте да спремите некаков вид на контејнер со термичка изолација во којшто ке ја ставите рибата. Кога рибата успешно ке ја донесете дома ставете ја во аквариумот заедно со кесата, да постои 15-тина минути и дури потоа може да се ослободи во својот нов дом.

 

Одржување на аквариумот:

            Температурата на аквариумот треба да се движи од 23 до 27. Треба да се внимава на температурата бидејќи е многу важен фактор за здравјето на рибите. Идеална pH е 7.2 но оскарите лесно се адаптираат се додека условите се стабилни и не се менуваат за кратко време. Ако pH вредноста е драстично различна тогаш треба да се користат некој препарати пред да се смени водата. PH вредноста се мери со лакмусова хартија. Се препорачуваат големи филтри, внатрешни, надворешни и подни, или некоја комбинација бидејќи Оскар рибите се со висока екскреција односно многу брзо ја валкаат водата.

 

Менување на водата:

            Менување на 10 – 20 проценти од водата е многу едноставен и ефикасен начин да се одржи квалитетот на водата на задоволително ниво. Ова се прави еднаш неделно со помош на принцип на сврзани садови, се вади дел од водата од аквариумот и потоа се додава исто толкава количина назад во аквариумот, оваа вода може да биде директно од чешма бидејќи во таа количина неможе да ја смени температурата на водата.

 

Исхрана:

        Оскарите се воглавно месојадни риби, преферираат жива храна, но живата храна од обичните продавници за животни најчесто содржи штетни паразити, па поради тоа подобро е да се хранат рибите со процесирана смрзната храна. Има специјални храни за овие риби што обезбедуваат добра диета, но треба да се додаваат повремено и смрзнати црви или други организми, воглавно треба храната да е од животинско потекло. Важно е да не се става премногу храна во аквариумот бидејќи може да се развијат бактерии кој ги убиваат рибите. Препорачано е да се става храна на рибите колку што можат да изедат во временски интервал од 2 минути, а евентуалниот остаток од храна заедно со некој други остатоци да се соберат со мрежичка од аквариумот.

Неонки

Неонките се едни од најсоцијалните риби што може да се најдат во продавниците денес. Ако се чуваат во јато од повеќе од 6 риби, овие риби се спектаклуларни за набљудување. Неонките се екстремно мирољубиви и многу мали риби, затоа не треба да се чуваат со големи риби коишто можат во нив да препознаат вкусен оброк. Водата во која што се чуваат е најдобро да биде PH неутрална. Се хранат со обична лисната храна, препорачливо но не е неопходно да се хранат повремено со жива храна. Кога се чуваат во добри околности неонките се одличен додаток во аквариумите. Неонките се едни од потешките риби за одржување, но ова зависи само од вашата практика за прописно одржување на аквариумот. Тие се многу осетливи на промени во аквариумот и мора да се чувствуваат сигурно. Ако температурата во аквари

умот го надмине 29-тиот целзиусов степен најверојатно е дека неонките ке умрат. Како што наведовме претходно PH вредноста не е клучен фактор но присуството на амонијак не е прифатливо и може да доведе до нивно истребување.

Кога ќе сакате да ги ставите рибите во нов аквариум добра практика е да се остават заедно со кесата во водата за да се изедначат температурите за што би биле доволни 30 минути, а потоа потопете ја кесата во аквариумот и дозволете им на рибите да излезат сами. Ова влијае на намалување на морталитетот на рибите. Неонките се лесен плен за поголемите риби во акварумот, поради тоа евентуално мешање со други риби би можело ако другите риби исто така живеат во јато. Во секој случај треба да направите неонките да бидат по бројни. Се чуваат во јато минимум составено од 6 единки.

Во аквариумот водата мора да се филтрира. Одржувајте ја водата со константна температура со термостат и менувајте 25% од водата неделно со вода која претходно е одстојана барем 4 часа на собна температура. Следете ја оваа формула и ќе имате здрави и среќни риби. Исто така потребно е иницијално искуство со чување на риби и да бидете способни да дијагностицирате болести кај рибите пред да се одлучите за оваа риба.

Риба-папагал

Општо:

Не е необично различни видови на циклиди да се размножуваат меѓусебе во аквариум. Кога се во период на размножување тие реагираат на циклиди од нивниот вид или од некои други видови кој се нивни блиски роднини. The Blood Parrot (Крвав Папагал) како што ги нарекуваат овие циклиди, се уникатни хибриди од различни видови циклиди. Помеѓу одгледувачите се води полемика околу етичноста да се одгледуваат и разможуваат овие риби, бидејќи неприродниот пат по кој што е создаден овој вид носи свои последици. На пример устата на овие риби е мала и чудно обликувана што и отежнува на оваа риба да се храни нормално, а и конституцијата на телото и оневозможува да плива нормално. Многу одгледувачи на риби се противат на одгледување и продавање на овие риби, некои дури одат дотаму што ги бојкотираат продавниците што ги продаваат овие риби.

Blood Parrot или Риба- папагал како што ја нарекуваат кај нас, се карактеризира со мала уста и кружно обликувано тело, а прекарот го добила по тоа што нејзината уста личи на клун од папагал. Бојата варира од светло розева до темно црвена а има и зелени и плави примероци кои што се користат само за натпревари. Рибата-папагал е мирољубива и срамежлива риба што не треба да се чува со агресивни цимери. Како и да е,ако ги чувате со риби со слична големина имајте на ум дека се територијални. Се препорачува аквариум со каменеста структура и вештачки пештери каде оваа риба би можела да се повлекува, но може да се чува и во аквариум со алги бидејќи тие не може да им наштетат.Овие риби не треба да се мешаат со Папагал циклид (Hoplarchus psittacus ) кој е всушност многу агресивна риба, и со морската Риба-папагал (Callyodon fasciatus ). Оваа риба може да се купи и низ продавниците за акваристика низ Скопје за цена која варира од 450 ден. до 600 ден.

Живеалиште:

Аквариумот во кој што ќе се одгледуваат вакви риби треба да биде просторен со голем број на места каде би можеле рибите да се кријат и да си ја обележуваат територијата. Како опција имате глинени садови, парчиња дрва, и разни украси коишто може да се најдат по продавниците. Песокот што ќе биде во аквариумот треба да е многу мазен бидејќи овие риби копаат по него и може да се повредат ако ставите остри камења. PH вредноста на водата треба да биде околу 6.8 и водата треба да биде мека. Осветлувањето на аквариумот треба да биде придушено односно не многу интензивно, а водата да се менува на 2 месеци.

Диета:

Овие риби јадат секаква храна, само треба да се внимава да се дава храна што паѓа на земја бидејќи храната што плива на површина потешко ја конзумираат. Оние што чуваат вакви риби кажуваат дека обожаваат жива храна како на пример црви. Храна со изобилие на А витамин е неопходна да се задржи бојата на кожата на овие риби.

Размножување:

Иако рибите-папагал носат јајца тие се воглавно неплодни заради познати причини, бидејќи и самата сорта е вештачка. Сепак,има познати случаи на успешно размножување. Најчесто се размножуваат со други видови циклиди. Како и други јајца, оние што ги несат овие риби ако не се плодни ке мувлосаат, а рибите ги јадат мувлосаните за да не се пренесе мувлата на здравите јајца. Штом ќе се изнесат јајцата мора водата да се менува 25% дневно со што ќе се осигура здрав развој на младенчињата. Малите се хранат со планктони се додека не пораснат а потоа може да се премине на обична храна.

ГУПИ

Poecilia reticulate

-Потекнуваат од Централна Америка. Живеат во реки и потоци.
-Големина достигнуваат до 3 cm.
-Темперамент: мирољубиви, не напаѓаат други риби односно живеат во заедница со други типови на риби.

-Храна: Се хранат со секаков вид аквариумска храна.
-Аквариумот не мора да биди многу голем но мора да има пумпа за кислород , а греач не е потребен. Пожелно е во аквариумот да се има песок тревки и алги. Алгите се препорачани бидејќи им служат како засолниште ако се под стрес, исто така некој шуплив камен или украс со отвори би бил добра идеа. Потрудете се од алгите и камењата во аквариумот да направите вистински украс за вашиот дом. 
-Карактеристики: Гупите се едни од најлесните риби за чување не бараат некои посебниуслови . Препорачана температура за овој вид на риби е од 24 до 29 степени целзиусови .Мажјакот се нарекува Шлаер (десно на сликата). 

Тој е помал од гупата и се карактеризира со големи бујни перки. Го има во многу различни бои и 

шари и различни вариации на бои па затоа е тешко да се најдат два исти .Па поради шарите ги има повеке врсти на шлаери , како шлаер "турско писмо" итн. Женките се поголеми од мажјаците и не се толку колоритни .Карактеристични се по тоа што многи често и многу лесно се размножуваат . Овие риби се живоротки така што малите кога ке се родат треба веднаш да се оделат бидејки ке бидат изедени , па и од својата мајка. Единствена шанса да се одгледаат новородени гупи е или со специјални пластични садови кој ке служат како преграда меѓу малите риби и родителите, или ако вашиот аквариум изобилува со алги и разни шупливи украси кој би им послужиле на малите гупи како скривалиште од непријателите. Се хранат еднаш до два пати дневно , најчесто наутро и навечер, избегнувајте хранење на рибите барем еден час пред да ја угаснете сијалицата на аквариумот, бидејќи кога ке се угаснат светлата метаболизмот на рибите се успорува, односно спијат.  Доколку се одлучите да чувате гупи речиси стално ке имате нови мали. Женката има способност да складира сперма од мажјакот, па затоа може да се случи да се породи и во аквариум без шлаери.

autor: Ljuben Tomski

BLACK MOLLY

Poecilia latipinna

Потекнуваат од Централна Америка , живеат во малите реки , потоците и бари. Макисимална должина можат да достигнат до 10см , но само во природни услови.
Претсавуваат мирољубиви риби , но некогаш знаат да направат проблеми. Се хранат со секакви видови аквариумска храна , најчесто храната треба да содржи зеленчук , но може да се користи лисната храна.Се хранат два пати дневно во помали количини. Аквариумот не мора да биди многу голем , можат да живеат и во помали аквариуми на пример од 10л.

-Карактеристики-женката најчесто е поголема од мажјакот и има мала заоблена перка ,а додека мажјакот се карактеризира со поголеми т.е. подолги перки кои на врвовите се заоштрени. Мора во аквариумот да се има пумпа т.е. распрскувач за кислород , но затоа, не му е потребен греач, температурата треба да му е од 20 – 25 степени . Лесни се за чување ,

не се склони на болести , па затоа не бараат многу услови за нивно чување . Лесно се размножуваат бидејки се живордки , но доколку ги размножувате треба веднаш малите да ги одвоите бидејќи ке бидат лесен плен за рибите па дури и за нивната мајка.

author: Ljuben Tomski

Бета борец

Латинско име: betta splendens
Потекло: Камбоџа, Тајланд
Големина: 7 cm
Животен век: 2-3 години
Минимална големина на аквариум: 20 литри
Разможување: со икра ( икраш )
PH: 6.8-7.4
Температура: 24-30 C


Опис:

Брилијантната боја на и долгите перки на оваа риба ја прават една од најдобро познатите аквариумски риби. Боите варирааат од црвена до плава и бела. Женките не се толку колоритни и имаат пократки перки. Што се однесува до размножувањето, женките кога се спремни за размножување добиваат хоризонтални црти по своето тело.

Нега и живеалиште:

Бета-борецот е едно од нај преопзнатливите, нај раскошните, и најконтроверзните риби во акваристиката како хоби. Дебатите се најчесто за одобрувањето да се чуваат во мали кугли. За комплетно да ја разбереме нивната потреба важно е да се запознаеме со нивната природна средина. Бета-борците потекнуваат од плитките води во Тајланд, Индонезија, Малезија, Виетнам и делови од Кина. Ги населуваат мочуриштата насадени со ориз, плитки езерца и мирни поточиња.
Иако повеќето акваристи се свесни дека Бета-борците доаѓаат од плитки води, клучен фактор што многу често се занемарува е температураат на водата. Овие земји што ги набројав се тропски, што значи дека водата достигнува високи температури дури и до
60 C. Бета-борците уживаат во високи температури што значи дека постануваат индиферентни ако температурата на водата е под 30 C што е најголем аргумент против чувањето на овие риби во мали кугли бидејќи тамо не може да се контролира температурата.
Иако можат да живеат во вода во која има растворено многу малку кислород, тоа не значи дека бараат помалку кислород од другите риби. Овие риби имаат специјален респираторен орган што им овозможува да дишат директно од атмосверата. Ова е покажано и експериментално. Еден примерок од оваа риба бил ставен во вода што немала пристап до атмосфера, а во водата биле растворени големи количини кислород, и покрај тоа рибата умрела од задушување. Заради ова Бета-борците мора да имаат пристап до површината за да дишат воздух од атмосверата.
Оптимално, водата во која ќе се чуваат овие риби треба да биде млака и со неутреална или славо кисела PH вредност. Движењето на водата треба да е минимално, што значи дека моќни филтри за вода не се препорачливи. Бета-борците можат да бидат чувани во заедница со други риби се додека се исполнети сите услови што ги захтева оваа риба, и ако во аквариумот нема агресивни риби. Како и да е, само еден мажјак може да се чува во аквариумот освен ако не се одделени со бариера.
Употребата на пластични кутии во рамките на аквариумот е дозволено решение за чување на повеке бета-борци во еден аквариум. Женките воглавном нема да се тепаат една со друга и може да се чуваат заедно во еден аквариум.
ВНИМАНИЕ Чувањето на бета-борец во вазна со цвеке е последна мода, меѓутоа вазна не е соодветно место за чување на ваква риба.

Диета:

Во природата бета-борците се хранат само со инсекти и ларви од инсекти. Тие имаат така градена уста усмерена нагоре што е совршена за фаќање на несреќни инсекти што паднале во негова близина. Нивниот дигестивен тракт е специјално дизајниран за да вари месо. Поради ова жива храна или месната храна е идеална исхрана за бета-борецот. Како и да е, тие се приспособливи риби и може да јадат било што.

Hypostomus plecostomus

Овие мирољубиви и јако издржливи риби се во акваристиката доста долго време. Растат доста големи и покажуваат високо ниво на интелигенција. Чистачот сигурно ќе остане омилена риба на акваристите. Потекнува од амазонија, Перу, Парагвај и Боливија. Кај нас го викаат чистач како и сто други риби а по  познат е како Плеко заради неговото латинско име.

Плеко чистачите се најактивни во мугрите. Треба да се чуваат во голем и густо насаден аквариум со парчиња сирово дрво кое ќе го користат за чешање.Начинот на исхрана треба да содржи многу зеленчук што е неопходен за нивното здравје, а може да се користи и замена како на пример зелка или варен спанаќ. Премногу животинска храна може да создаде дигестивни проблеми. Генерално не ги напаѓаат малите риби.. Чистачите се многу издржлива риба и немаа никакви посебни захтевања за водата во аквариумот ама најубаво е да живеат во мека вода со температура до 23 оC. Чистачите живеат многу долг живот и многу се приврзуваат кон аквариумот. Одлична риба за чување за оние што имаат слаба меморија да хранат риби бидејќи знае и да се храни со алгите низ аквариумот и со мрсотијата која што ја ствара самата вода.


Кратки информации:


Наведените големини на аквариум се минимални
Големина на рибата: 50.0 cm
Големина на аквариум: 48 инчи кога се мали, 72 + за возрасен примерок
PH: 6.5 to 7.5
Температура: 23-30°C


Класификација:

Ред: Siluriformes
Фамилија: Loricariidae
Род: Pterygoplichthys

Караси

Историја на златните рипки:
Златните рипки потекнуваат од азискиот подвид carrasius auratus, поточно карас, вид што природно покажува широк спектар на морфолошки варијации кога се одгледува во различни околини. Предокот на оваа риба потекнува од Кина и ги населува тамошните реки, езера, потоци, вирови и може да живее на температура од 10 до 32 степени целзиусови. Расте до 30 cm во должина и 2,5 kg тежина за 2-3 години, а живее 10 години. Многу вкусна сорта риби!

Причини за болести на рибите:
Општо земено златната рипк

а ( carassius auratus ) е многу издржлива риба и нејзиниот имунолошки систем има голема одпорност на голем број бактерии и паразити кој ги уништува уште во најрана фаза. Ако имунолошкиот систем на рибата се наруши тогаш настануваат проблемите. Најчеста причина за нарушување на имуниот систем на рибата е лошата состојба на водата во аквариумот што подразбира недостиг на кислород и многу органски отпад во аквариумот. Исто така голем број на паразити и бактерии може да се донесат во аквариумот со донесување на заболени риби или растенија кој не биле чувани во карантин доволно време. 90 % проблемите се поради слаб квалитет на водата а 10 % поради бактерии донесени одстрана. Ако забележите дека некој од вашите караси не е како што треба, односно дека е болен, не се колебајте да ставите некој антибиотик што ви се наоѓа дома пред да купите специјални капки бид

ејќи и тоа може да помогне.

Големината на аквариумот наспроти бројот на риби:

Аквариумот што го имате дома може да смести 1 cm долга риба ( несметајќи ја опашката ) на секои 60 cm2 површина.
Филтрација:
Менувањето на вода помага многу кога се работи за одржување на вашиот аквариум чист. Меѓутоа филтерот ви ја олеснува многу работата. Препорачувам надворешен филтер бидејќи не зазема место внатре во аквариумот. Препорачливо е стаклото да се чисти со лесно испарливи киселини за да не се отрујат рибите, никако сјај. Камењата не ги чистете со средство бидејки може да не се исплакне убаво и да ги убие рибите. Ако имате голем и убаво филтриран аквариум тогаш се менува една трет

ина од водата еднаш месечно со одстојана вода. Водата што планирате да ја ставите во аквариумот оставете ја да одстои на собна температура 1-2 часа ( доволно да се изедначат температурите ), не цела ноќ. Причина за ова е фактот што ако стои долго водата го губи кислородот.

Исхрана:
Вашите златни рипки треба да ги храните со високо квалитетна храна, најдобар избор е лисната храна бидејќи овој тип на храна по долго време се задржува на површината и рибите имаат повеќе време да ја конзумираат, со ова се избегнува да се таложи храна на дното од аквариумот. Многу битно е да не ставате премногу храна во аквариумот. Три пати по помали оброци на ден е многу подобро одколку еден голем оброк. Рибите треба да се хранат во рок од 3 минути така што нема да остане храна неизедена на дното од аквариумот. Остатоците од храна скапуваат и развиваат бактерии кој што може да бидат фатални за рибите.